قصتنا

أنا صباح علي ، في عام 2019 وبعد صراع مع مرض السرطان توفي أبي. وفاة أبي كانت صدمة كبيرة هونها علي وساعدني بالتعبير عن مشاعري والتغلب على ألم الفقدان تعبيري عن تلك الأحاسيس عن طريق الفن.

“اللي يعيش لنفسه وليساعد غيره يموت ويضل اسمه عايش بين الناس”
ألم الفقدان ذكرني بالأيتام اللي يسكنون المخيمات ويعيشون نفس الألم ولكن بظروف اقسى تمنعهم حتى من التعبير عنه ومعايشته.
لذلك قررت المساهمة بتخفيف آلام الأيتام ومساعدتهم بالوسيلة اللي أنا قادرة عليها, باستخدام الرسم.

بدأت الفكرة برسمي على شنط وبيعهم والتبرع بالمبالغ المجموعة للأيتام.
تلى ذلك حضورنا بين الناس لأول مرة كفريق روح في معرض الكتاب العربي باسطنبول سنة 2021 اللي من بعدها مبادرة روح صارت مسؤولة عن أول روح وقدرنا نكفل أول يتيمة.

اكملنا المسيرة واشتركنا بمعارض بمشاركة فنانين تبرعوا بأعمالهم للمبادرة واستطعنا بيع وايصال كامل الريع بنسبة 100 % للأيتام ومن بعدها قررنا تنظيم أول معرض لمبادرة روح, بكافيه استرولاب اللي قدرنا فيه بأقل من ساعتين بيع أكثر من 70 عمل فني الشيء اللي ساعدنا لزيادة عدد الأيتام المكفولين من يتيم واحد الى 11 يتيم.

هناك روح ترسم، وروح تقتني، وروح تسعد
معرض روح الثاني كان بالتعاون مع دار آل اتاسي, استطعنا بالمعرض بيع اكثر من 117 عمل فني وزيادة عدد الأيتام المكفولين الى 23 يتيم.

بمهرجان روح العيد, قدرنا نعيش أجواء العيد وننشر الفرحة
بقلوب الأطفال والأهالي الحاضرين ونبيع اكثر من 250 عمل
فني ليساعدنا ريع المهرجان لتجديد كفالة 33 يتيم.